ᐊᐃᐳᓗ 15, 2026 (– ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ (NTI) ᒪᐅᓇᑐᐃᓐᓇᖅ ᓂᕈᐊᖅᑎᑦᑎᓛᕐᖓ ᐊᖏᔪᖅᑳᒧᑦ ᒪᐃᖑᓕᖅᑲᑦ 27−ᒥ, ᓂᕈᐊᖅᑕᐅᔪᖅ ᐃᓕᓯᒪᓛᖅᑐᖅ ᐃᓱᓕᑦᑎᓗᓂ ᑐᓐᖓᕕᒃᑯᑦ (NTI) ᐊᖏᔪᖅᑳᖓᓄᑦ ᓂᕈᐊᕐᓇᐅᓕᖅᑲᑦ ᑏᓰᑉᐱᕆᒥ 2028−ᖑᖅᑲᑦ.
ᓂᕈᐊᕋᔅᓴᐅᓂᕐᒧᑦ ᒪᑐᐃᖓᓕᖅᑐᖅ ᒫᓐᓇ, 9−ᒥ ᐅᓪᓛᒃᑯᑦ ᐱᖓᑦᑎᕐᒥ, ᐊᐃᐳᓗ 15, ᒪᑐᓛᖅᑐᓂ ᓇᒡᒐᔾᔭᐅᓕᖅᑭᒻᒥ, ᐊᐃᐳᓗ 21 5−ᒥᑦ ᓄᓇᓖᑦ ᓯᕿᕐᖑᔭᖓ ᒪᓕᑦᑐᒍ.
ᓂᕈᐊᕋᔅᓴᓕᐅᕐᓂᕐᒧᑦ ᐸᐃᑉᐹᑦ ᐃᓄᒻᒥ ᓂᕈᐊᕋᔅᓴᐅᒐᔭᖅᑐᒥᑦ ᐊᖏᔪᖅᑳᖓᓐᓄᑦ ᑐᓐᖓᕕᒃᑯᓐᓄᑦ (NTI) ᐊᑐᐃᓐᓇᐅᓕᖅᑐᑦ ᐊᖏᔪᖅᑳᖓᓐᓂ ᓂᕈᐊᖅᑐᓕᕆᔨᒃᑯᓐᓄ, ᔫ ᐊᑦᓚ ᑯᓄᒻᒥᑦ, ᓄᓇᓕᓐᓂᑦ ᑐᑭᓯᒋᐊᕐᕕᒃ, ᐊᔮᔮ, ᑐᓴᐅᒪᖃᑦᑕᐅᓕᑎᓕᕆᔨᒃᑯᓐᓂ ᐅᕝᕙᓘᓐᓃᑦ ᑐᓐᖓᕕᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖓᓐᓂ.
ᓂᕈᐊᖃᑕᐅᔪᓐᓇᖅᑐᑦ ᐅᑭᐅᖃᕆᐊᓖᑦ 16−ᓂᑦ ᐅᖓᑖᓄᓪᓘᓐᓃᑦ ᒪᐃᕈᓚᐅᓐᖏᓐᓂᖓᓐᓂ 27−ᒥ, 2026, ᐊᑎᓕᐅᖅᓯᒪᓗᑎᒃ ᓄᓇᕗᑦ ᐊᖏᕈᑎᖓᓐᓂ ᐅᕝᕙᓘᓐᓃᑦ ᐊᑎᖃᖃᑕᐅᒌᕐᓗᑎᑦ.
ᓂᕈᐊᕋᔅᓴᐅᔪᑦ ᑐᓂᓯᒋᐊᓖᑦ ᐱᔭᕇᖅᓯᒪᔪᓂᒃ ᓂᕈᐊᕋᔅᓴᓕᐅᕈᑎᓂᒃ ᐊᖏᔪᖅᑳᖓᓐᓄᑦ ᓂᕈᐊᖅᑐᓕᕆᔨᒃᑯᑦ ᑎᑭᓚᐅᓐᖏᓐᓂᖓᓐᓂ ᐊᐃᐳᓗ 21, 5−ᒥ ᐅᓐᓄᓴᒃᑯᑦ ᓄᓇᓖᑦ ᓯᕿᓐᖑᔭᖓ ᒪᓕᑦᑐᒍ. ᓂᕈᐊᕋᔅᓴᐃᑦ ᖃᐅᔨᒪᓇᓱᑦᑎᐊᕆᐊᓖᑦ ᐱᔭᕇᖅᓯᒪᑦᑎᐊᕋᓗᐊᕐᒪᖔ ᒪᓕᒐᐃᑦ ᒪᓕᑦᑐᒋᑦ ᑐᓐᖓᕕᒃᑯᑦ (NTI) ᓂᕈᐊᖅᑐᓕᕆᓂᕐᒧᑦ ᒪᓕᒐᖏᓐᓂ ᐊᑐᐊᒐᖏᓐᓂᓪᓗ ᒪᑐᕕᔅᓴᖓ ᑎᑭᓚᐅᓐᖏᓐᓂᖓᓐᓂ. ᒪᑐᓚᐅᖅᑎᓐᓇᒍ ᐱᔭᐅᓐᓂᖏᑉᐸᑕ ᓂᕈᐊᕋᔅᓴᓕᐅᕈᑏᑦ, ᓂᕈᕋᔅᓴᐅᓐᖏᑐᐃᓐᓇᕆᐊᖃᕋᔭᖅᑐᖅ ᑐᓐᖓᕕᒃᑯᑦ (NTI) ᓂᕈᐊᖅᑎᑦᑎᓂᖓᓐᓄᑦ.
ᐃᖅᑲᖅᑐᖅᑕᐅᓯᒪᓐᖏᒃᑲᓗᐊᕐᒪᖔᖅᐱᑦ ᐸᐃᑉᐹᕐᒥᑦ ᐱᒋᐊᖃᖅᑐᑎᑦ ᑕᖅᑭᐅᑉ ᐱᖓᓱᑦ ᐃᓗᐊᓂ ᒫᓐᓇᒧᑦ ᑖᓐᓇ ᐱᔅᓴᐃᓐᓇᕆᐊᓕᒃ. ᓂᕈᐊᕋᔅᓴᓕᐅᖅᑕᐅᓯᒪᔪᑦ ᑕᕝᕙᑦᑕᐅᑎᒋ ᐸᓖᓯᒃᑯᓐᓂ ᐱᓇᓱᑦᑕᐅᑎᒋᖁᔭᐅᕗᑦ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ:
ᐊᖏᔪᖅᑳᖅ ᓂᕈᐊᖅᑐᓕᕆᔨᓄᑦ (CRO)
ᔫ ᐊᑦᓚ ᑯᓄᒃ
ᐅᖄᓚᐅᑎᖓ: 867-222-3634
ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑎᖓ: nticro@ayaya.ca
ᐊᓪᓚᕕᖓ ᐊᖏᔪᖅᑳᑉ ᓂᕈᐊᖅᑐᓕᕆᔨᒃᑯᑦ (CRO)
ᔭᐃᓴᓐ ᕌᐳᑦᔅ
ᐅᖄᓚᐅᑎᖓ: 867-202-3696
ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑎᖓ: jasonr@ayaya.ca
