(April 14, 2026 – Iqaluit, Nunavut) Nunavut Tunngavik Nanminilgit (NTI) atuqtitniaqtat niruatqikharniq Angayuqamut talvani Mai 27, 2026. Tamna akimayuq uukturtuq ikhivaniaq talvani tikittiqlugu tamna iniqnia NTIkut Angayuqanguniqmut niruarniq talvani Tisaipa 2028.
Tamna niruagakhaqhiurniq tatya angmayuq, talvanga 9 ublaakut, Pingattiut, Aipuru 15, umiklunilu talvani Aipiut, Aipuru 21 talvani 5 ublukkut nunalikni ubluqhiutagut.
Niruagakhaqhiurutit tatatiqvit niruakhiyakhaq Inukmik Uuktuqtukhamik niruarniqmut Angayuqaq NTIkutnut piyaulat talvanga Ataniq Niruaqtuliqiyi Havakti, Joe Adla Kunuk, Nunalikni Kivgaqtit Havaktit, Ayaya Marketing Communicationskut uvaluniit talvanga NTIkut qaritauyakkuvianit.
Pilat uuktuqtukhat piyalgit 16 ukiulgit uvaluniit avataani talvanga Mai 27, 2026, atiliuqhimalutiklu malikhugu tamna Nunavut Angirut uvaluniit atiliulaqlutik.
Uuktuqtut tunihiyalvunga iniqhimayamingnik niruagakhaqhiurutit allilayut talvunga AtaniqNiruaqtuliqiyi Havakti qangiqtitnagu Aipuru 21 talvani 5 ublukkut nunalikni ubluqhiutagut. Uuktuqtut havalgit atuqpiariakhai niuruagakhaliuqtaunit allilayut tuniyauninik malikhugu tamna NTIkut Niruarniq Maligait Pityuhitlu tuniyaunilu kiklilittinnagit. Pikpat niruagakhaliurut allilayut piyaungitpata kiklikhani, uktuqtukhaugaluaq pilaqtitaulaittuq uktuqnia talvani NTIkut niruaqniani.
Tamna ihuinaqhimayakha titiqat naunaiyaqni talvani qangiqtut pingahut tatqiqhiutit piyaqaqpiartuq. Uuktuqt ukhaugaluit pinahuaquyauyut pigiaqniat una pityuhiq tapkununga Piliihimaty qilamik.
Naunaiqyumirumaguvit, hivayaqlutin:
Chief Returning Officer (CRO)
Joe Adla Kunuk
Tel: 867-222-3634
Email: nticro@ayaya.ca
Office of the CRO
Jason Roberts
Tel: 867-202-3696
Email: jasonr@ayaya.ca
