ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ (NTI) ᒪᐅᓇᑐᐃᓐᓇᖅ ᓂᕈᐊᖅᑎᑦᑎᓛᕐᖓ ᐊᖏᔪᖅᑳᒧᑦ ᒪᐃᖑᓕᖅᑲᑦ 27−ᒥ, 2026. ᓂᕈᐊᖅᑕᐅᔪᖅ ᐃᓕᓯᒪᓛᖅᑐᖅ ᐃᓱᓕᑦᑎᓗᓂ ᑐᓐᖓᕕᒃᑯᑦ (NTI) ᐊᖏᔪᖅᑳᖓᓄᑦ ᓂᕈᐊᕐᓇᐅᓕᖅᑲᑦ ᑏᓰᑉᐱᕆᒥ 2028−ᖑᖅᑲᑦ.
ᓂᕈᐊᕈᓐᓇᕐᓂᐊᕐᓗᓂ ᐃᓄᓪᓚᕆᐅᒋᐊᓕᒃ ᐊᑎᖃᖃᑕᐅᓗᓂ ᓄᓇᕗᑦ ᐊᖏᕈᑎᖓᓐᓂ ᐅᕝᕙᓘᓐᓃᑦ ᐊᑎᖅᑖᖃᑕᐅᒍᓐᓇᖅᓯᒍᓂ ᐅᑭᐅᖃᓕᖅᑎᓪᓗᒍ 16−ᓂᒃ ᒪᐃᖓᓕᖅᑲᑦ 27−ᒥ, 2026.
ᓂᕈᐊᕋᔅᓴᓕᐅᕐᓂᖅ ᒪᑐᐃᓛᖅᑐᖅ ᐱᖓᑦᑎᕐᒥ, ᐊᐃᐳᓗ 15 ᒪᑐᓗᓂ ᓇᒡᒐᔾᔭᐅᓕᖅᑭ, ᐊᐃᐳᓗ 21, 2026.
ᓂᕈᐊᕋᔅᓴᓕᐅᕈᑏᑦ ᓂᕈᐊᖅᑕᐅᔪᒪᔪᓄᑦ ᐊᑐᐃᓐᓇᐃᑦ ᐊᖏᔪᖅᑳᖓᓐᓂ ᓂᕈᐊᖅᑐᓕᕆᔨᓄᑦ (CRO), ᔫ ᐊᑦᓚ ᑯᓄᒻᒥᑦ, ᑐᑭᓯᒋᐊᕐᕕᒃ (CLO), ᐊᔮᔮ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ (ᐊᓪᓚᕕᖓ ᐊᖏᔪᖅᑳᑉ ᓂᕈᐊᖅᑐᓕᕆᔨᒃᑯᑦ (CRO) ᐱᖓᑦᑎᐅᓕᖅᑲᑦ, ᐊᐃᐳᓗ 15−ᒥ, 9−ᒥ ᐅᓪᓛᒃᑯᑦ ᑲᓇᓐᓇᐅᑉ ᓯᕿᓐᖑᔭᖓ ᒪᓕᓪᓗᒋᑦ (EDT), ᐅᕝᕙᓘᓐᓃᑦ ᑕᐃᑲᓐᖓᑦ ᑐᓐᖓᕕᒃᑯᑦ (NTI) ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓᓂ ᐱᖓᑦᑎᐅᓕᖅᑲᑦ, ᐊᐃᐳᓗ 15−ᒥ, 12−ᒥ ᐅᓐᓄᐊᒃᑯᑦ ᑲᓇᓐᓇᐅᑉ ᓯᕿᓐᖑᔭᖓ ᒪᓕᓪᓗᒋᑦ (EDT).
ᓂᕈᐊᕋᔅᓴᐅᔪᒪᓂᐊᕐᓂᕈᕕᑦ, ᐃᖅᑲᖅᑐᖅᑕᐅᓯᒪᓐᖏᒃᑲᓗᐊᕐᒪᖔᖅᐱᑦ ᐸᐃᑉᐹᕐᒥᑦ ᐱᒋᐊᖃᖅᑐᑎᑦ ᑕᖅᑭᐅᑉ ᐱᖓᓱᑦ ᐃᓗᐊᓂ ᒫᓐᓇᒧᑦ ᑖᓐᓇ ᐱᔅᓴᐃᓐᓇᕆᐊᓕᒃ. ᓂᕈᐊᕋᔅᓴᓕᐅᖅᑕᐅᓯᒪᔪᑦ ᑕᕝᕙᑦᑕᐅᑎᒋ ᐸᓖᓯᒃᑯᓐᓂ ᐱᓇᓱᑦᑕᐅᑎᒋᖁᔭᐅᕗᑦ. ᓂᕈᐊᕋᔅᓴᓕᐅᕈᑏᑦ ᑐᓂᔭᐅᔪᑦ ᐊᖏᔪᖅᑳᖓᓐᓄ ᓂᕈᐊᕋᔅᓴᓕᐅᖅᑎᒃᑯᓐᓄᑦ (CRO) ᑲᒪᑦᑕᐅᑎᒋᔭᕆᐊᓖᑦ ᐊᐃᐳᓗᕈᓚᐅᖅᑎᓐᓇᒍ 21−ᒥ, 5−ᒥ ᐅᓐᓄᓴᒃᑯᑦ ᓄᓇᓕᐅᑉ ᓯᕿᕐᖑᔭᖓ ᒪᓕᓪᓗᒍ.
ᓂᕈᐊᕋᔅᓴᐃᑦ ᖃᐅᔨᒪᓇᓱᑦᑎᐊᕆᐊᓖᑦ ᐱᔭᕇᖅᓯᒪᑦᑎᐊᕋᓗᐊᕐᒪᖔ ᒪᓕᒐᐃᑦ ᒪᓕᑦᑐᒋᑦ ᑐᓐᖓᕕᒃᑯᑦ (NTI) ᓂᕈᐊᖅᑐᓕᕆᓂᕐᒧᑦ ᒪᓕᒐᖏᓐᓂ ᐊᑐᐊᒐᖏᓐᓂᓪᓗ ᒪᑐᕕᔅᓴᖓ ᑎᑭᓚᐅᓐᖏᓐᓂᖓᓐᓂ. ᒪᑐᓚᐅᖅᑎᓐᓇᒍ ᐱᔭᐅᓐᓂᖏᑉᐸᑕ ᓂᕈᐊᕋᔅᓴᓕᐅᕈᑏᑦ, ᓂᕈᕋᔅᓴᐅᓐᖏᑐᐃᓐᓇᕆᐊᖃᕋᔭᖅᑐᖅ ᑐᓐᖓᕕᒃᑯᑦ (NTI) ᓂᕈᐊᖅᑎᑦᑎᓂᖓᓐᓄᑦ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ:
ᐊᖏᔪᖅᑳᖅ ᓂᕈᐊᖅᑐᓕᕆᔨᓄᑦ (CRO)
ᔫ ᐊᑦᓚ ᑯᓄᒃ
ᐅᖄᓚᐅᑎᖓ: 867-222-3634
ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑎᖓ: nticro@ayaya.ca
ᐊᓪᓚᕕᖓ ᐊᖏᔪᖅᑳᑉ ᓂᕈᐊᖅᑐᓕᕆᔨᒃᑯᑦ (CRO)
ᔭᐃᓴᓐ ᕌᐳᑦᔅ
ᐅᖄᓚᐅᑎᖓ: 867-202-3696
ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑎᖓ: jasonr@ayaya.ca
